Lang hani überleit was ich do alles schriebe söll… 

ich meine, was intressiert SIE? Miini Uusbildig, miini Diplom, miini Wiiterbildige? oder DAS, was ich verkörpere, das was ich versueche z lebä und das was ich miine Chunde möcht Liebs tue?

Ich empfindes als schwierig, i wenige Wort "über mich" z verzellä… aber ich versprich Ihne, dass Sie mich innert wenige Moment werdet spüre, wenn ich Sie bi mir dörf begrüesse. 

Denn es isch miis grosse Aliegä, d Mensche ide Seel z berüehre… Ihne es paar wunderschöni, erholsami, tüüfgründigi oder eifach ruhigi Stunde z schenke...

Ide letschte Johre han ich viel dörfe lerne… vor allem mit de Energie z schaffe. Es isch einmalig und so wertvoll z gspüre, was mir für Chräft i üs händ…. dasses es viel me zwüschet Himmel & Erde git, als mir mit üsem Verstand jemals chönd erfasse...

Ich schaffe mit de Natur und de wertvolle Produkt us ihrem grosse Schatz… Ich schaffe mit Farbe und Energie...

Ich nimme alli miini Chunde ernscht i ihrem Bedürfnis und freu mich immer wieder vo Herze, wenn sie miteme Strahle usde Türe gönd...

Es isch es riese Gschenk, dörfe das z schaffe, wo eim so grossi Freud macht.. DANKE allne, wo mich uf dem Weg begleitet / händ...

Natürlich bin ich stolz uf miini Uusbildige als ganzheitlichi Kosmetikerin mit internationalem Cidesco Diplom, als Naturkosmetikerin, als Farbliechtexpertin, als Vigasistin und Make up Artistin, uf miini viele Wiiterbildige i Massage, Körperbehandlige usw… 

Aber was für SIE zählt, isch doch, dass miis Herz IHRES Herz erreicht… und dass miini Händ Ihne es berüehrends Gfühl schenket...

Und für das gits keis Diplom….

Drum möcht ich Sie eifach "iilade", sich e Behandlig bi mir z gönne… denn wüsset Sie, was ich für Qualifikatione ha.

Ich freue mich sehr uf Sie, vo Herz zu Herz,

Monica Ruoss-Signer